Redes en seronda
El Parque Natural de Redes representa la superficie d´Asturies onde más espaciu ocupa la viesca autóctona. La flora atlántica de fueya caduca abarca más de la metá del suelu de los conceyos de Sobrescobiu y Casu.
Esti territoriu del Altu Nalón asturianu ye bien conocíu pola so riqueza n´animales y plantes típiques na Cordalera Cantábrica. Ente elles tópase´l venáu o ciervu, reintroducíu nesti espaciu como especie cinexética nos años 50 y que guei caltién una gran importancia además como elementu principal de la época más ablucante del Parque: l´entamu de la seronda.
Y ye que los meses de setiembre y ochobre son feches señalaes pa esfrutar ya aprender nos conceyos de Casu y Sobrescobiu al tresviés de la berrea, l´época de celu de los venáos. Nestes feches, los individuos déxense ver, más preocupaos pol periodu fértil que por escapar de los humanos.
Nesta época amiéstase otru fenómenu importante de cámbiu de color de les viesques de castañu ya en mayor altor, los fayéos. Nos entamos de la seronda´l coloríu de Redes camuda a ton ocres y bardión. Too un espectáculu visual nos qu´encaxa un ricu patrimoniu etnográficu.
El fayéu de Redes, nel corazón del mesmu parque ye ún de los orixes d´esta proteción, y mui cerca del tópase´l Refugio de Brañagallones, na vega del mesmu nome. L´espaciu ye ideal pal entamu d´escursiones pero tamién sitiu ya aula privilexiada pa l´aprendizase. Pal conocimientu de flora, fauna y etnografía desti ampliu territoriu y tamién pa esfrutar dun paisax de moldeau glaciar.
Ye por eso que creemos que tamos nes feches y llugares ideales p´averanos a esti mediu natural asturianu del Parque Natural de Redes.
Animámoste
PRÓXIMA DATA: 21 Outubro